حركت ، هانسي سمته ؟
حركت ، هانسي سمته ؟
« حركت » آدلانان سوز آني ده هر بير ائشيدنده بير ديريليك ، چابالاما ، ايره لي سورمه ، ديرچلمه و نهايت بير غيري سكون دوروم خاطيرلادير .« ميللي حركت » دئييلنده ، داها آيدين بير حركت، ميللي ايسته ك لره ساري بيلديرير . آنجاق زامان « هئچ زامان مخنث لردن و سهو كارلاردان بوش دورماز » دئيه ، هر بير حركت ده ديريليك يئرينه اولومه ، چابالاما يئرينه چالخالانماغا ، ايره لي سورمه يئرينه گئري قاييتماغا ، ديرچلمه يئرينه يوخلاتماغا و غير سكون يئرينه بير سكون دوروما يورويه ن لرده اولموش لار . اونلار البته اوزلرين حركت چي آدلاييب و اوره ك ده بلكه سهوكارليق لاريني بيلسين لر آمما گوستري ده اوزلرين حركت چي لرين ان ايتي گئده ني نومايش ائديرلر ! بونلار كيم و يا كيم لردن عبارت ديلر ؟
1 // ميللي حركتي باشا دوشمه ين لر و اونون دوغرو مقصديندن خبرسيز اولان لار . بئله كس لر مقصدي بيلمه دن تابي كي يولو دا بيلميرلر و هر بير يولچو دالينا دوشوب و بير آز يول گئد يب و بير سونرا باشقا بير يولچو ايله يولداش اولورلار .
2 // ميللي حركتي سئوه ن لر و اونا سئوگي گوستره ن لر ، عيني حالدا مقصدي بيله ن لر آمما بير سهو اوزوندن هئله يولو و دوغرو يولو تاپيب ، تانيمايان لار . بئله كس لر هر بير يولا دوشمه ك له و هر بير يولچويا قوشولماق لا ، مقصددن آرا آچيب و زاماني بئله ليك ده ايتيريرلر .
3 // ميللي حركتي اوز ايسته ك لرينه ساري يونه لدن كس لر . اونلار مثال چاليشيرلار ضد حاكميت ليغي ميللي حركت ده يئرلشديريب و ها بئله حركتي ضد حاكميت جلوه لنديرسين لر .
4 // ميللي حركتي اوز دوشونجه لرينه ساري آپاران كس لر . اونلار مثال ايچون ضددين و يا لائيك ليك سوزونو ميللي حركت ده تعريف له مه يه چاليشيرلار و چوخ ايسته ك لري بئله دير كي ميللي حركت هرنه دن اونجه اوزونو بير لائيك دوشونجه ده گوسترسين .
5 // ميللي حركتي اوز اودوزموش مكتب لرينه باغلاماغا جان آتان كس لر . بو كس لر گئچميش ده اولان قوندارما و خئيرسيز مكتب لرده عومور سوره رك بو گون ايسه نه اوز مكتب لريندن ال اوزه بيليرلر و نه اوزلرينه بو يولدا يولداش تاپا بيليرلر و او اوزدن ميللي حركته باغلانيب و حركت چي لر داليندا گيزله نرك ، شوم تصورلرين حياتا گئچيرمه ك ايسته ييرلر .
6 // ميللي حركتي اوز « عقده » لرينه بوشاتما يئري گوره ن كس لر . بئله كس لر هر كيم دن آجيق لاري وارسا و هرنه دن چتين ليك گورموش لرسه ، اونلاري ميللي حركت ده آجيق آچما يئري و يا « عقده توكمك » يئري كيمي گوروب و چاليشمش لار . بئله كس لر روحي خسته سي كيمي نه تك اوزو ساهالماز بلكه چئوره ده اولان لاري دا خسته لنديرير !
7 // ميللي حركتي اوزونه شهرت و آد مئيداني گوره ن لر . بو كس لر هر تهر له اوزونو ديله – ديشه سالماغا گوره چابالايير و هرنه يي اوزونه ضد و قارشي بير ژست تصور ائديب و بو تصورده ( خوليادا ) يالان يئره هاي – كوي ساليب و هئله باشقالاردان توقعي سي وار اونون تصورلرينه اينانيب واونا توپلانسين لار .
8 // ميللي حركتي ضعيف گوسترمه يه چابالايان كس لر . بو كس لر دايما « هاني ميللي حركت ده تئوري ؟ مانيفست ؟ هاني باشچي ؟ هاني ليدر ؟ ....» سوزلريله ميللي حركتي آياقدان سالماغا چاليشان كس لر . اونلارين بو حركتچي ليينه مرض دن سواي باشقا آد قويماق اولمور !
9 // ميللي حركتي اوزونه چوره ك آغاجي ائده ن لر . بو كس لر اوزونو حركت چي آدلاياركن ، دايما اوندان تنقيد ائتمه يه، اوندان اوزونو ضررو زيان كار گوسترمه يه ، حركت چي لردن دونه – دونه پيس دئمه يه مشغول ديلار و بو باره ده هر نه« پاي » آليرلار اونا « قاب » لاري واردير و ساده سوزده « مظلوم » نمايي اونلارين شيوه سي دير .
آنجاق چوخ لازملي گورونوردو بو باشليق لارين هر بيرينه بير نئچه ده شخص آدي علاوه اولسون تا اوخويان لار سوزو عيني اولاراق باشا دوشسون لر آمما دوغروسو بو سهوكار كس لر برابرينده ميليون لار توقعي سيز ، دوشونجه لي و دوغرو حركت چي لر اولاراق ، بو ايسته ك دن واز گئچيب و بير داها ميللي حركت هانسي سمته ، سوزونو آچيب و بو باره ده تئوري ايسته ين لر و مانيفست آختاران لارين دققتيني چكمك اولور : آذربايجان ميللي حركتي دئيله ن آذربايجان يئرلرين و آذربايجانلي كس لرين دوغرو حاق لارينا يئتيرمه يه ساري گئده ن بير حركت دير و اوندا اولان حركت چي لر هربير زامان بئله لاپ بير آتدديم بو مقصددن آرا آچديلار ، يقين اولسون كي يولون سونوندا بير باشقا يئردن باش چيخارداجاقلار، ها ائيله كي بير پارالار چيخاريب لار !
اونجه دوغرو دوشونجه سونرا دوغرو يول !
زهره وفايي - تبريز
« حركت » آدلانان سوز آني ده هر بير ائشيدنده بير ديريليك ، چابالاما ، ايره لي سورمه ، ديرچلمه و نهايت بير غيري سكون دوروم خاطيرلادير .« ميللي حركت » دئييلنده ، داها آيدين بير حركت، ميللي ايسته ك لره ساري بيلديرير . آنجاق زامان « هئچ زامان مخنث لردن و سهو كارلاردان بوش دورماز » دئيه ، هر بير حركت ده ديريليك يئرينه اولومه ، چابالاما يئرينه چالخالانماغا ، ايره لي سورمه يئرينه گئري قاييتماغا ، ديرچلمه يئرينه يوخلاتماغا و غير سكون يئرينه بير سكون دوروما يورويه ن لرده اولموش لار . اونلار البته اوزلرين حركت چي آدلاييب و اوره ك ده بلكه سهوكارليق لاريني بيلسين لر آمما گوستري ده اوزلرين حركت چي لرين ان ايتي گئده ني نومايش ائديرلر ! بونلار كيم و يا كيم لردن عبارت ديلر ؟
1 // ميللي حركتي باشا دوشمه ين لر و اونون دوغرو مقصديندن خبرسيز اولان لار . بئله كس لر مقصدي بيلمه دن تابي كي يولو دا بيلميرلر و هر بير يولچو دالينا دوشوب و بير آز يول گئد يب و بير سونرا باشقا بير يولچو ايله يولداش اولورلار .
2 // ميللي حركتي سئوه ن لر و اونا سئوگي گوستره ن لر ، عيني حالدا مقصدي بيله ن لر آمما بير سهو اوزوندن هئله يولو و دوغرو يولو تاپيب ، تانيمايان لار . بئله كس لر هر بير يولا دوشمه ك له و هر بير يولچويا قوشولماق لا ، مقصددن آرا آچيب و زاماني بئله ليك ده ايتيريرلر .
3 // ميللي حركتي اوز ايسته ك لرينه ساري يونه لدن كس لر . اونلار مثال چاليشيرلار ضد حاكميت ليغي ميللي حركت ده يئرلشديريب و ها بئله حركتي ضد حاكميت جلوه لنديرسين لر .
4 // ميللي حركتي اوز دوشونجه لرينه ساري آپاران كس لر . اونلار مثال ايچون ضددين و يا لائيك ليك سوزونو ميللي حركت ده تعريف له مه يه چاليشيرلار و چوخ ايسته ك لري بئله دير كي ميللي حركت هرنه دن اونجه اوزونو بير لائيك دوشونجه ده گوسترسين .
5 // ميللي حركتي اوز اودوزموش مكتب لرينه باغلاماغا جان آتان كس لر . بو كس لر گئچميش ده اولان قوندارما و خئيرسيز مكتب لرده عومور سوره رك بو گون ايسه نه اوز مكتب لريندن ال اوزه بيليرلر و نه اوزلرينه بو يولدا يولداش تاپا بيليرلر و او اوزدن ميللي حركته باغلانيب و حركت چي لر داليندا گيزله نرك ، شوم تصورلرين حياتا گئچيرمه ك ايسته ييرلر .
6 // ميللي حركتي اوز « عقده » لرينه بوشاتما يئري گوره ن كس لر . بئله كس لر هر كيم دن آجيق لاري وارسا و هرنه دن چتين ليك گورموش لرسه ، اونلاري ميللي حركت ده آجيق آچما يئري و يا « عقده توكمك » يئري كيمي گوروب و چاليشمش لار . بئله كس لر روحي خسته سي كيمي نه تك اوزو ساهالماز بلكه چئوره ده اولان لاري دا خسته لنديرير !
7 // ميللي حركتي اوزونه شهرت و آد مئيداني گوره ن لر . بو كس لر هر تهر له اوزونو ديله – ديشه سالماغا گوره چابالايير و هرنه يي اوزونه ضد و قارشي بير ژست تصور ائديب و بو تصورده ( خوليادا ) يالان يئره هاي – كوي ساليب و هئله باشقالاردان توقعي سي وار اونون تصورلرينه اينانيب واونا توپلانسين لار .
8 // ميللي حركتي ضعيف گوسترمه يه چابالايان كس لر . بو كس لر دايما « هاني ميللي حركت ده تئوري ؟ مانيفست ؟ هاني باشچي ؟ هاني ليدر ؟ ....» سوزلريله ميللي حركتي آياقدان سالماغا چاليشان كس لر . اونلارين بو حركتچي ليينه مرض دن سواي باشقا آد قويماق اولمور !
9 // ميللي حركتي اوزونه چوره ك آغاجي ائده ن لر . بو كس لر اوزونو حركت چي آدلاياركن ، دايما اوندان تنقيد ائتمه يه، اوندان اوزونو ضررو زيان كار گوسترمه يه ، حركت چي لردن دونه – دونه پيس دئمه يه مشغول ديلار و بو باره ده هر نه« پاي » آليرلار اونا « قاب » لاري واردير و ساده سوزده « مظلوم » نمايي اونلارين شيوه سي دير .
آنجاق چوخ لازملي گورونوردو بو باشليق لارين هر بيرينه بير نئچه ده شخص آدي علاوه اولسون تا اوخويان لار سوزو عيني اولاراق باشا دوشسون لر آمما دوغروسو بو سهوكار كس لر برابرينده ميليون لار توقعي سيز ، دوشونجه لي و دوغرو حركت چي لر اولاراق ، بو ايسته ك دن واز گئچيب و بير داها ميللي حركت هانسي سمته ، سوزونو آچيب و بو باره ده تئوري ايسته ين لر و مانيفست آختاران لارين دققتيني چكمك اولور : آذربايجان ميللي حركتي دئيله ن آذربايجان يئرلرين و آذربايجانلي كس لرين دوغرو حاق لارينا يئتيرمه يه ساري گئده ن بير حركت دير و اوندا اولان حركت چي لر هربير زامان بئله لاپ بير آتدديم بو مقصددن آرا آچديلار ، يقين اولسون كي يولون سونوندا بير باشقا يئردن باش چيخارداجاقلار، ها ائيله كي بير پارالار چيخاريب لار !
اونجه دوغرو دوشونجه سونرا دوغرو يول !
زهره وفايي - تبريز
posted by zohre @ 12:04 AM
0 comments
